|
|
 |
Lokað svæði |
|
|
|
|
|
|
|
Sjöunda ráðstefna Norrænu Drama Boreale í Reykjavík 6. til 10. ágúst 2012 |
|
Skrifað af Rannveig Þorkelsdóttir
|
|
mánudagur, 29 ágúst 2011 |
|
FLÍSS, Félag um leiklist í skólastarfi, er skipuleggjandi ráðstefnunnar í samstarfi við Háskóla Íslands, menntavísindasvið.
FLÍSS hefur á stefnuskrá sinni að stuðla að eflingu leiklistar í öllu skólastarfi og að leiklist verði tekin upp sem ein af listgreinunum í grunn- og framhaldsskólum. FLÍSS er fyrir kennara sem hafa áhuga á leiklist í skólastarfi og er vettvangur til að styrkja viðleitni þeirra og sýn í því starfi. FLÍSS er fagfélag innan Kennarasambands Íslands og meðlimur í IDEA, International drama/theatre and education association www.idea-org.net
Drama Boreale er norrænt net leiklistarkennara, fræðimanna, listamanna og vísindamanna sem hafa áhuga á að efla leiklist og leiklist í kennslu á öllum skólastigum. Fyrsta Drama Boreale ráðstefnan var haldin í Gautaborg árið 1994. Eftir það var hún haldin þriðja hvert ár, á einu af Norðurlöndunum. Í Jyviskylá 1997, Århus 2000, Stokkhólmi 2003, Þrándheimi 2006, Vaasa árið 2009 og nú í fyrsta skiptið á Íslandi árið 2012.
Í Vegvísi fyrir listfræðslu, sem ætlað er að vera leiðarljós listnáms á 21. öldinni og er afrakstur heimsráðstefnu UNESCO um listfræðslu, segir: „Meðal mestu áskorana 21. aldarinnar er hin vaxandi þörf fyrir sköpunarkraft og ímyndunarafl í samfélögum sem í vaxandi mæli eru fjölþjóðleg. Listfræðsla getur mætt þessari þörf á skilvirkan hátt“. Nýjar menntakröfur hafa verið settar fram í nágrannalöndum sem snúa einkum að sköpunargáfu, aðlögunarhæfni og betri samskiptahæfni einstaklingsins. Þessi nýja forgangsröðun í menntamálum byggir á hugmynd um víðtækari þjálfun ungs fólks til þess að gera þau hæfari og auka sjálfstraust þeirra í breyttum heimi. Leiklist í skólastarfi er leið til að koma til móts við þessar nýju kröfur.
Til þess að ræða þema ráðstefnunnar, sem eru frumefnin fjögur: jörð, loft, eldur og vatn, höfum við boðið þremur fræðimönnum að vera frummælendur, þar af er einn frá Íslandi. Í gegnum fyrirlestra, vinnusmiðjur, rannsóknarfyrirlestar, kynningu á nýjum rannsóknum, leiklistaruppákomum og fleira er það von okkar í FLÍSS að allir sem sækja ráðstefnuna finni eitthvað við sitt hæfi.
Sérstakt ráðstefnurit verður gefið út með völdum rannsóknum sem kynntar verða á ráðstefnunni þar sem rætt er um leiklist í námi í dag.
Drama Boreale ráðstefnan 2012 á Ísland fagnar fjölbreytileika leiklistarinnar með húmor að leiðarljósi.
Með vinsemd og virðingu
Rannveig Þorkelsdóttir
Formaður FLÍSS
www.fliss.is
|
|
|
Bardagalist fyrir kennara |
|
Skrifað af Rannveig Þorkelsdóttir
|
|
mánudagur, 28 mars 2011 |
|
Námskeiðið er ætlað kennurum og leikurum sem vilja bæta við þekkingu og færni sína til að nota við kennslu grunn,- og framhaldskólanemendum, ásamt því að styrkja sig í eigin listsköpun.
Markmið:
Að þátttakendur öðlist grunnfærni í sviðsbardagalist, bæði er varðar óvopnaða bardaga sem og í grunnfærni í miðalda,- og japanskra skylminga.
Aðferð:
Þátttakendur vinna í pörum og æfa röð af brögðum sem þeir síðan flétta saman, undir stjórn kennara, í stutta bardagasenu þar sem fléttast saman hinir ýmsu þættir sviðbardagalistarinnar.
Sviðsbardagalist er sambland af sjónhverfingum, bardagaíþróttum, fimleikum og leiklist, þar sem hver hreyfing er hönnuð og æfð með öryggi leikarans að leiðarljósi. Og hefur þar af lútandi oft verið líkt við dans.
Sviðsbardagalist er allt líkamlegt atgervi í kvikmyndum, sjónvarpi og leiksviði, sem getur flokkast sem „líkamlega krefjandi“ fyrir leikarann og hugsanlega hættulegt ef ekki undir öruggri handleiðslu sviðsbardagakennara/leikstjóra.
Sá einstaklingur sem æfir sviðsbardaga er í raun að þróa með sér sjálfstjórn bardaglistarinnar, s.s. Judo, Akido, Kung Fu og fl., aga og mýkt dansarans, takt og hlustun tónlistarmannsins og tjáningarform leikarans, ásamt því að beita tækni sjónhverfinga.
Hér getur verið um að ræða einfalda hluti eins og að detta um stól, ganga á vegg eða verða fyrir tertu í andlitið, til meira krefjandi bardagasena eins og fyrirfinnast í Rómeó og Júlíu, Henry IV, One Flew Over The Cuckoo´s Nest og flókna bardagasena eins og finnast í Indiana Jones, James Bond, Die Hard og öllum myndum Jackie Chan og Bruce Lee.
Allt þetta er viðfangsefni sviðsbardagakennarans, hluti af þekkingu hans og færni.
Vegna þess mikla aga sem Sviðsbardagi krefst af nemandanum, ásamt því að bjóða upp á nýja og spennandi leið í leiklistarkennslu hér á landi, er Sviðsbardagakennsla kjörið tæki til að nota í baráttunni gegn einelti og hverskonar ofbeldi. Áherslan er á listina og gömul gildi hetjunar; þar sem aldrei er níðst á þeim sem er minni máttar.
Fjöldi þátttakenda miðast við 20 en námskeiðið er áætlað að taki 3 tíma.
Með von um góðar undirtektir.
Arnoddur Magnús Danks
Þetta netfang er varið fyrir ruslrafpósti, þú þarft að hafa Javascript virkt til að skoða það
Þetta netfang er varið fyrir ruslrafpósti, þú þarft að hafa Javascript virkt til að skoða það
|
|
|
National Drama International Conference 2011 |
|
Skrifað af Rannveig Þorkelsdóttir
|
|
þriðjudagur, 15 febrúar 2011 |
Drama - same difference
diversity and mutuality of process and practice
Swansea University, Wales
http://www.nationaldrama.org.uk/nd/index.cfm/events1/events/national-drama-international-conference-2011/
11th - 14th April 2011
The human need to make drama as a way to explore, understand and influence our relationships and our circumstances is universal. Where people exist so exists drama. Its diversity of form reflects the diversity of context, both cultural and political, in which we live our lives and the diversity of learning experiences we gain from taking part in it.
Through a series of thought-provoking keynotes, a choice of extended workshops and the opportunity to share practice, this major international event celebrates the diversity of drama and asks if there are mutualities of philosophy, process and practice that underpin it.
Workshop Leaders and Keynote Speakers include:
Cath Arun
Actor, Storyteller and Teacher, Wales
Jude Kelly
Artistic Director South Bank Centre, England; former Head of Culture for London 2012's successful bid for the Olympics and currently a member of LOCOG's Culture Board.
Jonothan Neelands
Chair of Drama and Theatre Education, University of Warwick, England
Joachim Reiss
Drama/theatre teacher, teacher educator and author, Germany
Vicensia Shule
Performing Artist, Dept of Fine & Performing Arts, University of Dar es Salaam, Tanzania
Paul Sutton
Artistic Director, C&T Theatre Company, UK
This event will be of interest to primary and secondary drama teachers, theatre educators, advisers, teacher educators, theatre in education workers and all those who are interested in using drama and theatre to promote learning.
Please select from the menu on the left for more details or download conference documentation here. Conference Brochure, Call for Papers, Delegate Proposal Form, Registration Form.
Deadline for receipt of Delegate Proposals: 31st December 2010
|
|
Síðast uppfært ( þriðjudagur, 15 febrúar 2011 )
|
|
|
36 stunda námskeið í markvissri þjálfun í list og tækni leikarans |
|
Skrifað af Rannveig Þorkelsdóttir
|
|
þriðjudagur, 15 febrúar 2011 |
|
Námskeiðslýsing I Kennd verða undirstöðuatriði Suzuki leikaraþjálfunar þar sem þáttakendur læra líkamlegt æfingakerfi aðferðarinnar. Í tengslum við æfingarnar verður unnið með texta úr Brandi eftir Henrik Ibsen í þýðingu Matthíasar Jochumssonar. Kennari Pálína Jónsdóttir. II Þátttakendur fá markvissa þjálfun í textagreiningu og athöfn með virkri beitingu ímyndunarafls með því að kafa í texta og útfæra hann án skírskotunar til atburðakeðju leikrits eða hefðbundinnar persónusköpunar leikara. Unnið með texta úr Brandi eftir Henrik Ibsen í þýðingu Matthíasar Jochumssonar. Kennari Trausti Ólafsson. III Kenndar verða spunaaðferðir og leikhústungumál Viewpoint aðferðarinnar sem þjálfar einstaklings-og hópsamvinnufærni leikarans í tíma og rými. Unnið verður með Brand og sjálfvalda nútímatexta. Kennari Pálína Jónsdóttir. Tími Mánudagar og fimmtudagar kl. 4-7 síðdegis.Fyrsti tími 1 mars – síðasti tími 7 aprílStaður: Danssverkstæði FÍLD Skúlagötu 28Námskeiðsgjald 30.000 krónurUmsókn sendist fyrir 25 febrúar í netfang:
Þetta netfang er varið fyrir ruslrafpósti, þú þarft að hafa Javascript virkt til að skoða það
eða
Þetta netfang er varið fyrir ruslrafpósti, þú þarft að hafa Javascript virkt til að skoða það
Hverjum nýtist námskeiðið? Námskeiðið er fyrir þá sem hafa áhuga á að nýta dýnamískar aðferðir leiklistarinnar til að vinna heildrænt með líkama og rödd. Námskeiðið er fyrir sviðslistafólk, þá sem hafa leiklistarmenntun og vilja tileinka sér aðferðir til að efla sviðslist sína og tækni og þá sem eru að stíga sín fyrstu skref í leiklist. Jafnframt nýtist námskeiðið þeim sem þurfa að koma fram með einum eða öðrum hætti í starfi sínu. Námskeiðið reynir á krafta og þol og þurfa þátttakendur að vera líkamlega hraustir. Aldurstakmark 19 ár. Kennarar: Pálína Jónsdóttir leikhúslistamaður og Trausti Ólafsson leiklistarfræðingurPálína útskrifaðist úr Leiklistarskóla Íslands árið 1995. Hún hefur starfað hérlendis og erlendis við leikhús og kvikmyndir. Pálína lauk námi í kennsluréttindum frá LHÍ árið 2009 og framhaldsnámi í Columbia University í NYC í Suzuki, Viewpoint og Composition leiklistaraðferðum undir leiðsögn Anne Bogart og Siti Company. Trausti lauk doktorsprófi í leiklistarfræðum frá University of East Anglia í Bretlandi árið 2003. Áður stundaði hann meðal annars nám við Oslóarháskóla og Leiklistarháskólann í Prag. Trausti var leikhússtjóri Leikfélags Akureyrar á árunum 1996-1998 og hefur kennt við Háskóla Íslands frá haustinu 2004. SuzukiSuzuki leikaraþjálfunarkerfið er þróað af hinum heimsfræga japanska leikhúslistamanni Tadushi Suzuki. Aðaláherslan er lögð á að endurbyggja líkama leikarans inn í samhengi leikhússins í þeim tilgangi að fletta ofan af meðfæddum hæfileikum hans í þágu listrænnar sköpunargáfu. Þjálfunin er hárnálvæm og líkamlega erfið, samsett úr margvíslegum líkamsæfingakerfum, s. s. ballet, japnskri og grískri leiklist og sjálfsvarnaraðferðum. Markmið þjálfunarinnar er að auka tilfinningalegt og líkamlegt vald leikarans á sjálfum sér og gera hann færan um að lifa í augnablikinu á sviðinu. Áhersla er lögð á neðri hluta líkamans, einkum fæturna, og stuðla valdi leikarans á öndun og einbeitingu. Textagreining og athöfn Hefðbundin textagreining bygggist oftast á vitsmunum og fræðilegri nálgun. Í virkri textagreiningu með athöfn er leikarinn hvattur til að beita öllum skilningarvitum, innsæi og líkamanum til þess að kanna víddir textans á virkan hátt án þess að fyrirfram gefnar hugmyndir hindri sköpunarvinnuna. Viewpoints Viewpoints (sjónarhornin) er spunaaðferð sem á upptök sín í póstmóderníska dansheiminum og var set fram af danshöfundinum Mary Overlie og síðar aðlöguð fyrir leikara af Anne Bogart. Viewpoints er leikhústungumál sem skilgreinir það sem gerist á sviðinu og samanstendur af hugtökum sem lýsa reglum hreyfinga í tíma og rúmi. Viewpoints er hagnýt aðferð sem byggir á samvinnu leikhúslistamanna, eins konar verkfærakassi sem gefur hópi leikara tækifæri til að skapa og vinna með atriði leiklistarinnar sem standa utan hefðbundins frásagnarramma. “Theater is the art wherein human beings make human action worth watching.” Paul Woodruff
|
|
|
Töfraheimur Brúðuleikhússins |
|
Skrifað af Rannveig Þorkelsdóttir
|
|
þriðjudagur, 28 september 2010 |
|
Töfraheimur Brúðuleikhússins Í þessari fyrstu vinnusmiðju FLÍSS á nýju ári skyggnumst við inn í töfraheim brúðuleikhússins. Þátttakendur sem þegar hafa reynslu af brúðuleikhúsi munu öðlast nýja innsýn og byrjendur munu uppgötva leiðir til að nýta sér tækni brúðuleikhússins innan síns sérsviðs.Þetta einstaka námskeið er blanda af kynningu og verklegum æfingum í brúðuleik. Þátttakendur munu skoða eiginleika, möguleika og áhrif ólíkra tækni og efna í brúðugerð; kynnast leikstílum og leiðum til að blanda þeim saman við eigin aðferðir og áhugasvið.Ævintýraheimur leikbrúðanna býður upp á einstaka upplifun fyrir sjón og heyrn. Sagnamenn, kennarar, og leikarar hafa þegar uppgötvað óþrjótandi kennslufræðilega möguleika brúðunnar þar sem nemendur eru leiddir inn í heim fegurðar, töfra og sköpunar með brúðum. Bernd Ogrodnik er Íslendingum að góðu kunnur fyrir brúður sínar. Hann hefur hannað ótal brúður fyrir leiksýningar hér á landi auk þess sem hann rekur brúðumiðstöðina Brúðuheimar í Borgarnesi ásamt Hildi konu sinni þar sem leikbrúður lifna við í höndum barna og fullorðinna. Áhugasamir skrái sig með tölvupóst í gegnum netfangið:
Þetta netfang er varið fyrir ruslrafpósti, þú þarft að hafa Javascript virkt til að skoða það
Þriðjudagur 18. janúar: Töfraheimur Brúðuleikhússins
Kennari: Bernd Ogrodnik
Staður: Fræðsludeild Þjóðleikhússins, Lindargötu 3
Tími: 20.00-23.00
Verð: 3.000,-
|
|
Síðast uppfært ( fimmtudagur, 13 janúar 2011 )
|
|
|
Skrifað af Rannveig Þorkelsdóttir
|
|
þriðjudagur, 24 ágúst 2010 |
|
Rannveig Þorkelsdóttir formaður FLÍSS (Félag um leiklist í skólastarfi) hefur verið kosin gjaldkeri IDEA International drama/theatre Educations Association næstu 3 árin.
IDEA eru félagasamtök sem starfa í yfir 90 löndum. Markmið félagsins er að efla og styrkja leiklistarmenntun og leiklist í námi barna, kennaramenntum, námsefnis- og námskrárgerð. IDEA heldur heimsráðstefnur á þriggja ára fresti þar sem saman koma um 2000 kennarar, nemendur og listamenn til að læra hvert af öðru. Einnig hittist aðalráðgjafanefnd IDEA á 18 mánaða fresti til skrafs og ráðagerða. Í tengslum við þessa fundi eru haldnar smærri ráðstefnur þar sem boðið er upp á vinnusmiðjur og fyrirlestra. FLÍSS er jafnframt hluti af Evrópu IDEA og nú þegar er hafin vinna við að útbúa gagnagrunn um yfirstandandi rannsóknir á leiklist í kennslu í Evrópu. Ætlunin er að safna saman upplýsingum um rannsóknirnar með samanburð og samvinnu í huga. Þá hefur verið sett á fót sérstakt rannsóknarráð sem á að kortleggja umfang og niðurstöður rannsóknarvinnunnar.IDEA er í samstarfi við INSEA ( Internatnional Society for Education through Art) og ISME (International Society for Music Education) ásamt því að vera í nánu samstarfi við UNESCO.
|
|
Síðast uppfært ( þriðjudagur, 24 ágúst 2010 )
|
|
|
Börðust með sverðum í Hljómskálagarðinum |
|
Skrifað af Rannveig Þorkelsdóttir
|
|
miðvikudagur, 26 maí 2010 |
Hart var barist þegar kennarar mættust með sverðum í Hljómskálagarðinum.
Íslenskir grunnskólakennarar börðust með sverðum í Hljómskálagarðinum á dögunum. Hart var barist og engum hlíft í átökum kennaranna sem klæddir voru skikkjum og báru sverð.
Á dögunum voru undarlegar verur á sveimi í Hljómskálagarðinum, klæddar skikkjum og báru sverð og skjöld. Þetta reyndust vera íslenskir grunnskólakennarar sem voru á námskeiði hjá Dananum Rune Lippert. Kennararnir voru að læra hvernig hægt er að kenna með útikennslu, Snorra sögu, landnám Íslands, Tyrkjaránið og annað námsefni á miðstigi grunnskólans.
Námskeiðið var haldið á vegum FLÍSS, félags leiklistar í skólum, en félagið heldur nokkrar vinnusmiðjur fyrir kennara á hverjum vetri til þess að kynna kennsluaðferðir leiklistar í samstarfi við fræðsludeild Þjóðleikhússins.
Á námskeiðinu voru kennararnir beðnir að setja sig í spor nemenda á miðstigi grunnskóla. Auk þess voru þeir settir í hlutverk persóna í Snorra sögu því nú skyldu þátttakendur kynnast lífinu á Sturlungaöld. Þátttakendum var skipt niður í hópa og hver hópur átti að leysa ákveðið verkefni í tengslum við Snorra sögu. Víðs vegar um Hljómskálagarðinn voru síðan persónur á sveimi sem hóparnir áttu að finna. Þetta gátu til dæmis verið Sturla Sighvatsson, spákona sem segir til um ókomna hluti, járnsmiður, hugrakki vinnumaðurinn, Herdís eða aðrar persónur er tengdust Snorra sögu. Auðvitað var síðan svikari sendur út meðal þátttakenda og þá æstist leikurinn er menn börðust til að halda feng sínum.
Þátttakendur, í sínuM hlutverkum, þurftu síðan að leysa margskonar þrautir sem lagðar voru fyrir þá. Hver þraut reyndi á útsjónarsemi þátttakenda og hugmyndaflug þeirra. Ljóst er að kennarar fóru með margar hugmyndir með sér í farteskinu heim í tengslum við útikennslu í grunnskólum landsins.
|
|
|
http://www.dv.is/frettir/2010/5/21/bordust-med-sverdum-i-hljomskalagardinum/ |
|
Skrifað af Rannveig Þorkelsdóttir
|
|
miðvikudagur, 14 apríl 2010 |
           Hlutverkaleikur/Útikennsla (e. Roleplay) ( d. rollespil)
Viltu kynnast útikennslu á allt annan hátt en þú hefur kynnst henni áður? Viltu læra að nota leiklist á lifandi hátt í útikennslu með nemendum þínum? FLÍSS, félag um leiklist í skólastarfi, í félagi við fræðsludeild Þjóðleikhússins, býður upp á tveggja daga helgarnámskeið þar sem kenndar verða aðferðir leiklistar í tengslum við útikennslu, svokallaður hlutverkaleikur í lifandi umhverfi. Á námskeiðinu verða notaðar sögur sem henta vel í útikennslu eins og t.d. Íslendingasögur, Snorra saga Sturlusonar, sagan af Benjamín dúfu og fleiri góðar sögur. Námskeiðið hentar vel fyrir kennara á miðstigi, unglingastigi og í framhaldsskólum. Námskeiðið fer fram á ensku.  Kennari er daninn Rune Lippert, en hann hefur haldið fjölda fyrirlestra og vinnusmiðjur í heimalandi sínu og öðrum löndum um hlutverkaleik í útikennslu. Um þessar mundir er Rune í stjórn Landssambandsins fyrir Rollespil í Danmörku auk þess sem hann er framkvæmdastjóri félagsins Plot42. http://www.plot42.dk/ sem stefnir að því að kynna hlutverkaleik í útikennslu í sem flestum löndum. Við hvetjum áhugasama til að skrá sig með tölvupósti á netfanginu
Þetta netfang er varið fyrir ruslrafpósti, þú þarft að hafa Javascript virkt til að skoða það
Látið ekki þetta einstæða tækifæri ganga ykkur úr greipum! Laugadagur 8. maí: Fyrirlestur og kennsla Sunnudagur 9. maí: Hlutverkaleikur í Hljómskálagarðinum Kennari: Rune Lippert Staður: Fræðsludeild Þjóðleikhússins, Lindargötu 3 og í Hljómskálagarði Tími: 10.00-16.00 báða daganna Verð: 15.000,- (öll helgin) 
|
|
Síðast uppfært ( miðvikudagur, 26 maí 2010 )
|
|
Lesa meira...
|
|
|
Skrifað af Rannveig Þorkelsdóttir
|
|
mánudagur, 08 mars 2010 |
|
Viltu kynnast aðferðum Forum leikhússins? FLÍSS, í samstarfi við Fræðsludeild Þjóðleikhússins, boðar til vinnusmiðju um aðferðir Forum leikhússins, þriðjudagskvöldið 16. mars nk. kl. 20.00. Smiðjuna leiðir Ólafur Guðmundsson leiklistarkennari. Forum leikhús er leiklistaraðferð þróuð af Brasilíumanninum Augusto Boal á 7. og 8. áratug síðustu aldar. Hún er hluti af því sem Boal kallar „Leikhús hinna kúguðu“ (Theatre of the Oppressed) og hefur það markmið að stuðla að umræðu og meðvitund hins almenna borgara um stöðu sína og möguleika í þjóðfélaginu. Í stað þess að sitja aðgerðarlausir í áhorfendasalnum og horfa á leiksýningu eru áhorfendur settir í þá stöðu að geta haft áhrif á framvindu verksins með því að koma upp á svið, eða út á gólf, allt eftir því hvar sýnt er, og koma með tillögur að því hvernig valdar persónur í leikritinu gætu breytt á annan og betri hátt en þær gera. Þannig skapast grundvöllur fyrir umræðu og nám.
Við hvetjum áhugasama að skrá sig á netfangið:
Þetta netfang er varið fyrir ruslrafpósti, þú þarft að hafa Javascript virkt til að skoða það
Þriðjudagur 16. mars: Forum leikhús
Kennari: Ólafur Guðmundsson
Staður: Fræðsludeild Þjóðleikhússins, Lindargötu 3
Tími: 20.00-22.00Verð: 3.000,- (sama verð og í fyrra!)
|
|
Síðast uppfært ( mánudagur, 08 mars 2010 )
|
|
| |
|
|
